Inhumano. Perdoade se dubido sobre a definición, sobre a aplicación da verba. Que é máis inhumano que o humano? Pasámonos a vida facendo dano, deforestando, queimando, escravizando, maltratando e domesticando. Separando a nais dos seus fillos, levando a cabo unha produción en masa de seres vivos transformados en sacos de carne, unha produción que nin sequera ten como obxectivo abastecer á poboación, porque nin sequera o ser humano logra abastecer a todos os da súa raza. Por egoísmo, por envexa, por avaricia. Morren decenas de miles de nenos cada día porque non somos capaces de compartir, de saber conformarnos co que nos dan, co que nos resulta máis que suficiente para sobrevivir e para deixar que outros sobrevivan. A política? Roubar, enganar, prohibir e asasinar. A Igrexa? Roubar, enganar, prohibir e asasinar. A relixión? O adoutrinamento das persoas en contra incluso dos seus propios dereitos, e o peor, a submisión: mulleres maltratadas, lapidadas, sacrificios e roubos de identidade e de liberdade só por crer, ou por medrar crendo que cremos. Isto non é ser humano, e se o é, entón inhumano e humano teñen o mesmo significado.
.jpg)
L.
